حاجة غريبة مش قادر أصدق والله

من طرف **شهــ سكرــد** الخميس نوفمبر 22, 2007 8:35 pm

أنا بصراحة مش عارف أبتدي منين؟
الموضوع غريب وفظيع بجد
أنا دخلت النهاردة الصبح علي السايت (*****)طبعا انتوا عارفين سايت ايه وفوجئت بكلام غريب وناس غريبة..ايه ده بجد مش قادر اصدق ان فيه ناس بتكره حد او بتحقد علي حد بالطريقة ديه؟؟
الناس ديه شغالة ليل ونهار تعمل حاجات علشان توقع تامر ياأما في مشاكل مع الفنانين يااما تكرهنا فيه.
صور زبالة و مواضيع رخمة و قلوب متحجرة.واللهي العظيم يا جماعة انا لو بكره تامر مش هعمل كده خالص. تصوروا انهم بيدعوا عليه وبيشتموه...كل ده ليه؟
لو حتي نفترض ان تامر عمل حكاية الجيش ديه قصد طب فيها ايه بس؟
كل واحد حر وبعدين مانعرفش ايه ظروفه وانا عن نفسي مقتنع ان تامر ماعملش حاجة. هي دماغي كده ومش هغير رأىى أبدا.
ولاقيت انهم كمان بيكلموا صحفيين علشان يقولولهم علي أفكرهم الهدامة علشان عايزين يهجموا تامر من ناحية الصحافة .تعرفوا انهم عايزين يوقفوا تامر عن الغنا أو يدبسوه في مصيبة وخلاص
أنا نفسي مش مصدق ان فيه ناس بتفكر بالأسلوب ده
ياريت الناس ديه تعقل.
وبالمناسبة ياريت جيمي أو رامي يوصلوا كلامي ده لتامر بنفسه:-
ياريت ياتامر تخللي بالك من نفسك كويس أوي وتحسب الخطوة ميت مرة قبل ماتعملها وياريت تهتم بشعبيتك و بعشاقك وحبايبك لأنك مهما حصل هتحتاجهم وهم اللي هاتلاقيهم واقفين جنبك في اي حاجة حلو أو وحش .وياريت تبقي تدخل السايت علشان انا وغيري عايزين نكلمك ونطمن عليك ونقولك كلام كتير اوي.
وان شاء الله ربنا معاك وإحنا معاك يا تامر مهما حصل بس إنت خللي بالك من نفسك وأعمل اللي عليك وماتخافش من حاجة وياريت يا جماعة ماحدش يدخل علي السايت اللي أنا ذكرته علشان مايشوفش إللي أنا شوفته أو يقرا كلام مالهوش لازمة ودمه يتحرق وخلاص.
سلامي للجميع وكل سنة وكل اللافرد والعرب كويسين
السلام عليكم ورحمة الله وبركاته
ربنا يحميك يا تامر يا رب
بحبك يا تــــــــــــــــــامر
__________________