للي عايز يضحك بس

واحد بخيل عندو ثلاث تفاحات فتح الاولى لقى فيها دود التانية فيها دود وصل للثالثة طفا النور و أكلها


مرة واحد مسطول قابل واحد قاله الساعة كام قاله خمسة وخمسة فرد عليه المسطول وقاله ما تعرفشى تقول عشرة وخلاص


واحد قال لخطبتة لما ازمرلك تبقي انزلي قالتله انت جبت عربية قال لها
لا جبت زمارة


واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب



واحد بلدياتنا واقف قدامه خمس شياطين .... واحد يوسوسله و اربعه يفهموه

زوجه خوافه قوى كل يوم وهيه نايمة جنب جوزها تقول الحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت

كمسري أبوة مات ماشى في الجنازة يقول يا حضرات الجنازة فاضية آدام

واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه

واحد راح الصيدلية وقال للدكتور : عايز لبن اطفال ..... الدكتور: اسمه ايه ؟
الراجل : اسمه اشرف

صعيدي بيعد بالانجليزي ... وان - توو - ثري - فور - فايف -استغفر الله ? سكس

مرة واحد بلدياتنا عرف ان الجلد موضة مشى عريان


مره ولد صغير ركب تاكسى و والده قاله متتكلمش مع السواق كل شوية السواق يحاول
يفتح معاه كلام و الولد مبيردش فحاول يخليه يتكلم فبيقوله نفسك تطلع ايه لما تكبر والولد قاله مهندس زى بابا قاله طب لو بابا مهندس و ماما دكتوره الولد قاله ابقى مهندس طبيب فقاله لو بابا وماما دكاتره الولد قاله اطلع دكتور فقاله طب لو بابا طبال و ماما رقاصه فالولد قاله اطلع سواق تاكسى


واحد ندل جاب كاسيت ووقف قدام ملجأ أيتام وشغل أغنية بابا فين

واحد ندل اشتغل في المطافى عبا حنفيات الحريق بنزين

ندل فتح مدرسة للأيتام علشان يذلهم بقى يعمل كل يوم اجتماع أولياء أمور
............ ......... ......
ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يقول الشهادة قام واحد من عياله وسد بقه
............ ......... ......
واحد ندل جورج قرداحي اتصل بيه وقال له معنا صديقك وصل نصف مليون ريال محتاج مساعدتك قال: قل له نايم
............ ......... ......

اتنين بيحششو عند الهرم فواحد بيقول التاني تعرف ان الفراعنة قعدو سنين يبنو في الاهرامات التاني قالو يا راجل ليه كدةقالو كل ما يرصو حجرين يجي البوليس ياخدهم


أتنين مسلمين محمد و إبراهيم تايهين فى الصحرا وجعانين فجاه لقو دير إبراهيم قال لمحمد أنا هأقول لهم إني اسمي جرجس ومحمد قال له لا يا عم .. أنا هاقول اسمي محمد فسألهم القسيس عن الاسم فقال إبراهيم اسمي جرجس ومحمد قال اسمي محمد فقال القسيس احضرو الطعام لمحمدو قولوا لجرجس نحن اليوم صائمون


واحد أخنف حظه وحش قوي وقع في حفره و فضل مستني لغاية ما واحد جه و على حظه كان أخنف برضه الأخنف اللي فوق قال
... استنى شوية .. حاطنّنعك دنوأتي قاله نببنا يخننيك بسنعة .. قال لهو كمان بتتنيأ ؟؟؟
طب شوف مين حيطننعكّ

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكرانراح قايل لها طب أنا سكران حفوق بكرة .. وانتي ؟